Ain fain stel taum leewen
Por: Ismael Tressmann
it is air pomerisch huus.
Hijr wånt ain fröölig familg, un
bij eer huus is air hübsch
blaumegåre mit feel blaume.
Un uk air fruchtgåre mit firsich,
jabutikabe, banane, mirsche un ranje.
Muter kåkt krüür dårfon .
Dicht bijm huus is feel plantland. Upm land arbëre fåter un muter sër. Sai häwe dår äipi, kare, batade, mijlche, james, kafe, sukerroor un feel andrer daile plant.
Dår is uk air groot wåterrad. Dat rad drëgt dai moil, wat de mijlche målt, un drëgt dai schüpe ine farinpan taum farin dröögen.
Sai häwe ain sukerroorspress, mit dere wåter daue sai rapadure un suker måke.
Bij eer huus is uk air dijk, mit feel fische. Tau Ooster sin dai ale ranerwusse taum fischen.
Dår sin uk feel fai: huiner, guise, eende, swijn, eesel un melkkau. Dai kau giwt feel melk un dårfon mökt muter käis, un mit dai sån stampt sai boter im boterfat. Mit dai guisefeerer mökt sai sër gaure feererdeke un küssen.
Fåter hät aine groote bakåwe buugt woo muter dårin jëre sunåwend mijlchebrood bakt tau eer familg. Wekmåls bakt sai biskuite, firsich, banane, flaisch un nog mër daile.
Hai hät uk aine hulthërd buugt, un muter mökt dårup kafe, firsichsup, äipisup, karesup, jamessup, huinersup, melkrijs, boone, flaisch un feel andrer daile wat sai aldågs eete.
Dit is wirklig ain fain stel taum leewen.
(Autorsche: Simone Kurth Dettmann Hila. Ilustration: Maria Helena Bausen). In: PLASTER, Josiane Arnholz; TRESSMANN, Ismael (org.). Geschichte up Pomerisch. Coletânea de histórias em Pomerano. Maré: Vitória-ES, 2019.