Dai wijnkeetel
Por Elizeth Pioto, Graciele Schulz Arnholz, Ivone Schliwe Guilherme Dai pomerische lüür häwe ümer feel sorte planterig un fai hat. Jëre familg hät ümer eer fai hule taum doirleewen, soo as huiner, eende, guise, fisch, swijn un andre fai. Taum dat gans fai hulen, häwe dai pomerische lüür aine schupe, un dår wart den eer hauptsach geschir forwårt. Dår wäir den uk air füürhërd, air bakåwe, air kafetrumel un air swijnkeetel. Dai swijnkeetel woo dat futer in kåkt wäir tau dai swijn, wäir mëst ümer sunåwends åwend upset taum sër kåken. Dår wäir den jamesknuren tau nåme, jamesbläärer, gruine banane, bananestam, chuchu un körnse. De swijnkeetel kåke wäir fåter sij arbëd. Hai däir dat ales insnijre un däir uk groothult uplege un set dat wåter up. Den däir’e ales rinersmijte ine keetel, un dat groothult wäir den taum rasch kåken. Wen dat futer al kåke däir, däire dai kiner sich wekmåls chuchu
un jamesknuren ruuterhålen taum eeten. Hüütsendågs daue dai pomerische lüür andre daile swijnfuter neeme, un dai früüsch moor is air bits forgåe. Soo as dai jåre forloope sin, häwe dai lüür anfånge sich futer kööpen soo as farel un andrer sorte meel. Åwer wek lüür måke uk nog feel futer im swijnkeetel.
Por Ismael Tressman.