Dai strijd fom geschir

In fabel fortelt dat ais in ain mööbelrig ain formoost forsamlung passijrt. Dat wäir ain forsamlung fon dem geschir taum saien wee dai wichtigst wäir.

Dai håmer nimt dat woord un sägt, dat hai dai oiwerst is, åwer dai andrer wäire dår ni mit ainforstanden. Dai håmer mökt tau feel gewald un forstäit nischt wijrer wat as klåpen.

Dai håmer nimt dat an, åwer hai maint, dat dai sruuw uk ni dai wichtigst is. Dai drëgt tau oft rund un forstäit uk nischt wijrer wat måken. Dai sruuw nimt dat uk an åwer sägt, dat dat sandpapijr uk ruuterblijwe mut. Dai sramt tau dul.

Dat sandpapijr is dårmit ainforstanden un maint, dat dai mëterstok uk ruuterblijwe mut. Dai wil ümer tau genau sin.

Dai mëterstok nimt dat an åwer sägt, dat dai såg tau feel tääne hät un tau feel gnågt.

As dat geschir nog am strijren wäir, kümt dai mööbler an un benutst de håmer, dai sruuw, dat sandpapijr, dai mëterstok, dai såg un stelt aine faine mööbel t’hoop.

T’hoopsamelt fon/*Coletado por *Anivaldo Kuhn