Wålstijd
Por Valdete Kruger Martins
Dit jår muite dai brasiliåners un brasiliånersche werer wääle. Dai lüür säge, dat wij richtig wääle schåle. Jå, sai häwe recht. Åwer wat is richtig wääle? Wee sin dai beste kandidats tau oosem land regijre? Feele kandidats bringe oos eere wålsetel un foordre oos hülp. Den daue wij eer ales foirsmijte wat sai oos forspråke häwe, weegen dai mëste häwe åwer kaine social arbëd foirbröcht.
Feel mål wääle dai lüür wit. Wat passirt man wen air wålsmësch wit wäält? Wen duu wit wäälst, dai wål gäit taum kaine kandidat un wart ni mittelt. Dit mål häwe wij im 1te turn for söss kandidats wääle müst: taum president, governator, twai senators, federal un staatsdeputad. Dat best dail is air wålsetel mitneeme taum kain numer foirgeeten. Åwer in Espírito Santo bruuke wij im 2te turn bloos for republikspresident wääle. Taum richtig wäälen, muite dai wålslüür de kandidats eer leewentsloop analysijre, wat sai al måkt häwe un wat sai wirtschafte daue.